1․ Ներկայացնել կենսոլորտի ընդհանուր բնութագիրը ։
Կենսոլորտը Երկրի թաղանթն է, որը բնակեցված է կենդանի օրգանիզմներով և գտնվում է նրանց ազդեցության տակ։ Կենսոլորտի ամբողջական ուսմունքը ստեղծել է կենսաերկրաքիմիկոս, փիլիսոփա Վ․ Ի․Վերնադսկին։ Կնեդանի օրգանիզմները միանգամից չեն առաջացել երկրագնդի վրա։ Առաջացել են միլիառդավոր տարիներ առաջ։ Սկզբում առաջացել են մանրէները, այնուհետև ստորակարգ բույսերը՝ բակտերիաները և ջրիմուռները, ապա բարձրակարգ բույսերը և հետագայում կենդանիները։ Ներկայումս երկրագունդը բնակեցված է հսկայական քանակությամբ բազմատեսակ կենդանիներով և բույսերով։ Գիտնականները պարզել են, որ երկրի վրա գոյություն ունեն մոտ 0,4 մլն բուսատեսակ և 1,3 մլն կենդանատեսակ։ Շրջապատի և միմյանց հետ փոխկապակցված լինելու շնորհիվ օրգանիզմները կարողանում են զարգանալ և պահպանել իրենց գոյությունը։
2․ Մարդու տնտեսական գործունեության հետևանքով առաջացած ինչպիսի բնապահպանական հիմնախնդիրներ գիտեք ։
Համամոլորակային հիմնախնդիրներ կամ Գլոբալ խնդիրներ, որոնք շոշափում են ապագա և ներկա սերունդների կենսական շահերը։ Մարդկանց համար հրատապ համամոլորակային հիմնախնդիրներ՝ Համաշխարհային օվկիանոսի հիմնախնդիր՝ կապված նրա աղտոտման և արդյունավետության հետ, կլիմայի փոփոխության հիմնախնդիր, բնապահպանական հիմնախնդիր կապված բնական միջավայրի խախտման հետ, բնական ռեսուրսների կտրուկ սպառումը և արտադրական գործոնեության բացասական ազդեցություն շրջակա միջավայրի վրա ու մարդկանց կյանքի էկոլոգիական պայմանների վատացումը։
3․ Բերել առօրյայում ձեզ հանդիպող մարդու տնտեսական գործունեության հետևանքով առաջացած բնապահպանական խնդիրներ օրինականեր , տալ դրանց լուծում ։
Համաշխարհային օվկիանոսի աղտոտումը՝ Համաշխարհային օվկիանոսը երկրագնդի կլիմայաձևավորման կարևորագույն գործոն է, մայրցամաքների միջև հաղորդակցության ուղի: Այն կենդանիների և բույսերի տեսակների ապրելավայր է և կարևոր էկոհամակարգ, որտեղից միլիոնավոր տարիներ առաջ երկրագնդի վրա սկիզբ է առել կյանքը: Տագնապ է հարուցում այն փաստը, որ ավելի ու ավելի հաճախ է համաշխարհային օվկիանոսը օգտագործվում որպես աղբավայր: Առանց որևէ վերահսկողության թունավոր նյութերով տարողությունները թափում են օվկիանոսի համեմատաբար մեծ խտություն ունեցող վայրերը` առանց գնահատելու ստորջրյա հոսանքների ուժը և ուղղությունը: Մինչդեռ տարաների քայքայումից հետո թունավոր նյութերը կարող են աղտոտել հսկայական տարածություններ: Համաշխարհային օվկիանոսի աղտոտման հիմնախնդիրը լուծելու համար նախ և առաջ մարդիկ պետք է հասկանան և գիտակցեն, որ ինչպես իրենք են թթվածին ստանում ու դրա շնորհիվ ապրում, այդպես էլ օվկիանոսում կենդանիները և բույսերն են ապրում, մեր մթնոլորտը տեղից էլ մարդկանց պատճառով այդքան էլ լավը չէ, բացի դրանից աղտոտում են ուրիշ օրգանիզմներինը։ Աղբի համար նախատեսված են հատուկ աղբարկղեր և հարմարանքներ, բայց քանի որ մարդիկ փնթի են և չեն օգտագործում այդ հարմարանքները, շարունակելու են այնքան աղտոտել միջավայրը,այդ թվում Համաշխարհային օվկիանոսը, մինչև վիճակը ծայրահեղ կդառնա և կվտանգվեն մարդկանց և կենդանիների կյանքը։ Ամեն ինչ կախված է մարդանցից, ուրիշ ելք չկա։
