Երկրորդ կիսամյակ է, ինչ ուսումնասիրում ենք հոգեբանություն առարկան: Ես ի սկզբանե հետաքրքված էի հոգեբանությամբ, բայց ոչ այսքան մանրակրկիտ և խորացված: Այն շատ զարմանալի և հետաքրքիր առարկա է, միշտ սովորելու բան կգտնես և աստիճանաբար ընկղմվում ես դրա մեջ:
Մեր դասաժամերը շատ տարբերվող են և արտասովոր, միշտ լի են հարցերով, նորություններով, ոգևորիչ է, երբ ընկալում ես նման բարդ առարկան և վերցնում ես նոր գիտելիքներ, մտքեր, գաղափարներ:
Այս կիսամյակ իրականացնում ենք մեր առաջին մաստշաբային և ծավալուն նախագիծը հոգեբանությունից, որը դեռ ընթացքի մեջ է: Յուրաքանչյուր ուսանող ընտրում է իր համար հոգեհարազատ, հետաքրքրական ՀՀ մարզերից որևէ մեկը և ուսումնասիրում։ Նախագիծը լավ հնարավորություն է տալիս ավելի տեղեկացված լինել ՀՀ մարզերի տեղացիների ընդհանուր հատկանիշներից, դիմագծերից, սովորույթներից: Նախագծի շրջանակներում պետք է իրականացնենք նաև հարցադրում, որը ավելի կկոնկրետացնի կամ կհակասի մեր հավաքագրած ինֆորմացիան (ինֆորմացիային):