Այս նյութը պատմում է հայ կարկառուն գիտնական, գյուտարարների մասին, որոնց գյուտերը համաշխարհային ճանաչում են ստացել և ինչու ոչ՝ մեծ հետք թողել քաղաքակրթության զարգացման մեջ:
1. Ամերիկյան դոլարն իրենից ներկայացնում է թղթադրամ, որը թողարկվում է ԱՄՆ մասնավոր կառույցի կողմից։ Փաստացիորեն դոլարը թղթի կտոր է նկարներով, սակայն այն, ինչպես յուրաքանչյուր տարադրամ, արժեք ունի: Ծագումով Ստամբուլից, ազգությամբ հայ, երիտասարդ քիմիկոս Քրիստափոր Տեր—Սերոբյանը 1864թ. ստեղծում է ամերիկյան դոլարի կանաչագույն ներկը, որն անհնար էր կեղծել:
2. 1894թ. Լվովում ապրող Հովհաննես Լուկաշևիչը (Ղուկասյան) Գերմանիայում արտոնագրում է կերոսինային լամպի գյուտը, որը մինչև էլեկտրական հոսանքի դարաշրջանի սկիզբը լուսավորում էր ողջ Եվրոպան և Ամերիկան:
3. Ասատուր Սարաֆյան` Օսկար Բենկեր. գունավոր տպագրության, մեքենաների, ինքնաթիռների փոխանցման տուփի գյուտերի հեղինակն է: Նա ստեղծել է նաև առաջին առանց ասեղի (գազային) ներարկիչը, որն այժմ օգտագործվում է ամբողջ աշխարհում: Նա նաև համարվում է բենզինային պոմպի, ավտոյուղի չափիչի հեղինակը։
4. Ռեյմոնդ Վահան Դամադյանը հայազգի գյուտարար, որը հայտնագործել է մագնիսառեզոնանսային պատկերի ախտորոշման սարքը, որը հնարավորություն է տալիս զննել ներքին օրգաններն առանց վիրահատական միջամտության։
5. Բանկոմատներն այսօր դարձել են մեր կյանքի անբաժանելի մասը, սակայն քչերը գիտեն, որ այդ գյուտի հեղինակն է ծագումով հայ ամերիկացի Լյութեր Ջորջ Սիմջյանը: 1956թ. Լյութեր Սիմջյանը ստեղծում է դրամաբաշխային սարքը (բանկոմատ), առանց որի դժվար է պատկերացնել այսօրվա քաղաքակրթությունը: Առաջին բանկոմատը գիտնական Սիմջյանը ստեղծել է 1939 թվականին և առաջարկել City Bank of New York բանկին, որը կես տարի անց վերադարձրել է մեքենան՝ չգնահատելով սարքի հնարավորությունները:
6. Հայերին է պատկանում նաև հաշմանդամների սայլակի գյուտը, որի հեղինակը` Էմիկ Ավագյանը, 1961թ. ստանում է Քենեդիի մրցանակը` «Ամենակարևոր ներդրումը անդամալույծներին գործնական կյանք բերելու համար»:
7. Միքայել Տեր-Պողոսյանի հայտնագործության շնորհիվ հնարավոր եղավ փրկել հազարավոր կյանքեր ամբողջ աշխարհում, քանի որ քաղցկեղային ուռուցքն արդեն վաղ փուլում ախտորոշվել է։ 1977թ. Միքայել Տեր-Պողոսյանի ստեղծած համակարգչային տոմոգրաֆը հեղափոխություն է առաջացնում բժշկության մեջ:
Աղբյուրներ ՝
13 համաշխարհային կարևորության գյուտ, որի հեղինակները հայեր են (mediamag.am),
Ասատուր Սարաֆյան` մեքենաների ավտոմատ փոխանցման տուփի գյուտարարը (armedia.am),
Ռեյմոնդ Դամադյան — Վիքիպեդիա՝ ազատ հանրագիտարան (wikipedia.org),
Լյութեր Ջորջ Սիմջյան. աշխարհում առաջին բանկոմատի գյուտարարը (տեսանյութ) (168.am)