Սպորտային զբոսաշրջության հիմքում ընկած են մրցումները երթուղիների վրա, որոնք իրականանում են դժվարանցանելի ճանապարհների (գագաթների, ձորերի, քարանձավների և այլն) հաղթահարմամբ, դրված է բնական միջավայրում և արհեստական ռելիեֆի վրա։ Սպորտային զբոսաշրջությունը խմբային (թիմային) սպորտ է։ Զբոսաշրջության այս տեսակը հնարավորություն է տալիս ծանոթանալ տարբեր ժողովուրդների մշակույթին, կյանքին։ Սպորտային քայլարշավում թիմի յուրաքանչյուր անդամ պետք է կատարի իր դերը: Ուստի նախապես, ընդհանուր համաձայնությամբ, բոլորին տարբեր պաշտոններ են նշանակվում։ Օրինակ՝ կապիտան (առաջնորդ), բժշկուհի, նավավար, տնտեսության և տեխնիկայի մենեջերներ, մեխանիկ, օդերևութաբան, գանձապահ, մատենագիր-լուսանկարիչ և այլն։ Կախված բարդությունից և տևողությունից՝ սպորտային ճամփորդությունները բաժանվում են մի քանի տեսակների. հանգստյան արշավները նախատեսված են 1-2 օրվա համար և անհրաժեշտ են սկսնակներին մարզելու, մարզավիճակը պահպանելու և բնության գրկում համատեղ մշակութային և հանգստյան օրեր անցկացնելու համար:
Սպորտային զբոսաշրջության տեսակները․
1․ Սպորտային քայլարշավ — Ճանապարհը անցնում են ոտքով, այն կարող է բարդանալ ճանապարհային խոչընդոտների և եղանակային պայմանների պատճառով։ Լավ հնարավորություն է վայելելու բնությունը։ Սա հանգստի ակտիվ տեսակ է, նախատեսվում է երկար շարժում, կոշտ տեղանքով․ կարող են լինել դաշտեր, տափաստաններ։2. Լեռնային զբոսաշրջություն — Լեռնային զբոսաշրջության առանձնահատկությունը լեռնային վայրերում մի խումբ մարդկանց տեղաշարժն է որոշակի, նախապես կազմված ճանապարհով։ Երթուղիները գծված են բացառապես լեռներում, զբոսաշրջիկը պետք է անցնի լեռնաշղթաները, բարձրանա գագաթները, հաղթահարի այլ խոչընդոտներ, որոնք հնարավոր են լեռներում։3. Ջրային զբոսաշրջություն — ճամփորդություններ գետերով, լճերով, ծովերով։ Ամենապարզ ճանապարհորդության ժամանակ ջրային զբոսաշրջիկը պետք է կարողանա լավ լողալ, հավաքել (անհրաժեշտության դեպքում կառուցել) և վերանորոգել նավը, պատշաճ կերպով փաթեթավորել, տեղավորել և պաշտպանել սնունդն ու սարքավորումները ջրից: 4. Քարանձավային զբոսաշրջություն — սա ճանապարհորդություն է տարբեր քարանձավներով. արկածների, և նոր սենսացիաների սիրահարների համար է: Նման ճամփորդության ժամանակ պետք է իջնել երկրի խորքերը։ Այստեղ դուք կարող եք տեսնել գեղեցիկ ստորգետնյա լճեր և գետեր։ Քարանձավային տուրիզմի նպատակն է անցնել որոշակի բարդության քարանձավներով։ 5. Դահուկային զբոսաշրջություն — Շատերի սիրելի ակտիվ սպորտի տեսակն է, հիանալի միջոց է ձեր ֆիզիկական կազմվածքը բարելավելու և իմունային համակարգը ամրապնդելու համար: Դահուկային ճամփորդությունը ենթադրում է, որ խմբի մասնակիցներն ունեն դահուկավազքի հմտություններ, ինչպես նաև ֆիզիկական պատրաստվածության լավ մակարդակ։ Հետևաբար, նախքան ձեր առաջին արշավը գնալը, դուք պետք է ուժեղացնեք ձեր մարզավիճակը և տիրապետեք դահուկավազքին:
Շիրակի մարզը գտնվում է ՀՀ հյուսիս-արևմուտքում: Մարզկենտրոնը՝ Գյումրի: Մարզի տարածքում են գտնվում Արփի լիճ ջրամբարը, Ախուրյանի ջրամբարի հայկական հատվածը և Մանթաշի ջրամբարը։ Շիրակի մարզը հայտնի է տուֆի, պեմզայի, կրաքարի հանքերով։ Մարզի տարբեր մասերում հանդիպում են ուրարտական սեպագիր արձանագրություններ, տարբեր ժամանակների բերդերի ու ամրոցների ավերակներ, կամուրջների հետքեր, այլ հնություններ: Պետական սահմանից այն կողմ, Թուրքիայի տարածքում, ընդամենը մի քանի կմ-ի վրա երևում են Բագրատունյաց Հայաստանի մայրաքաղաք Անիի ավերակները:
Գյումրի
Գյումրու տարածքը բնակեցվել է դեռևս հնագույն ժամանակաշրջաններից: Առ այսօր հայտնաբերված և ուսումնասիրված վաղագույն բնակավայրերը վերաբերում են Ք.ա. 3-րդ հազարամյակի սկզբներին։ յումրին գտնվում է Շիրակի բարձրավանդակի կենտրոնական մասում, ծովի մակարդակից 1550 մ բարձրություն ունեցող հարթավայրում: Հայաստանի մայրաքաղաքից հետո Գյումրին երկրորդ խոշոր քաղաքն է: Քաղաքը և նրա շրջակայքը հարուստ են տարբեր հետաքրքիր տեսարժան վայրերով: Այստեղ կարող եք այցելել պատկերասրահ, տեղական պատմության թանգարան կամ պատմամշակութային արգելոց: Գյումրիում և նրա մոտակայքում տեղակայված են հինգ եկեղեցիներ, հին Մարմաշենի վանքը և Ուղղափառ մատուռը: Քաղաքի կարևոր խորհրդանիշերից մեկն է սպարապետ Վարդան Մամիկոնյանի հուշարձանը: Գյումրու մեկ այլ պատկերավոր պատմական տեսարժան վայրերից է Ալեքսանդրապոլի բերդը: Այն կառուցվել է ցարական ժամանակներում և կարևոր ռազմական պաշտպանական դեր է ունեցել։ Գյումրին համարվում է Հայաստանի «արվեստի մայրաքաղաք» և կարևոր մշակութային կենտրոն: Քաղաքը նաև անվանում են «հումորի մայրաքաղաք». այստեղ են ծնվել ականավոր հայ նկարիչներ և կատակերգուներ:
Ռուսական (Սև) բերդը
«Սև» բերդը Գյումրիում կառուցվել է դեռեւս 1834 թվականին: Ռուսական ցար Նիկոլայ I-ի Գյումրի այցելությունից հետո՝ 1837 թվականին, քաղաքը վերածվեց բերդ-ամրոցի, ապա ցարի կնոջ անունով կոչվեց Ալեքսանդրապոլ: Բերդի կառուցման անհրաժեշտությունը ծագել է ռուս-պարսկական երկրորդ պատերազմի ավարտից հետո: Թուրքիայի դեմ հնարավոր պատերազմը հաշվի առնելով՝ ռուսները սկսեցին հատուկ ուշադրություն դարձնել Գյումրու ամրացմանը: Սև բազալտի սրբատաշ քարով շարված հսկա պարիսպները մինչև օրս էլ ցնցող տպավորություն են թողնում դիտողի վրա: Բերդի պարիսպներն այնքան ահռելի են, որ նրանց վրա տեղադրվել են 100 հրանոթներ, իսկ ներսում` 8000 կայազոր: Այս բերդը կառուցվել է ժամանակի ռազմական արվեստի վերջին խոսքով, և միակն է այն քչերից նախկին Ռուսական կայսրության մեջ, որի բացմանը ներկա է եղել անձամբ կայսրը:
Մարմարշենի վանք
Թռչկանի ջրվեժ
Թռչկան ջրվեժը գտնվում է ՀՀ Շիրակի և Լոռու մարզերի սահմանին Փամբակ գետի ձախակողմյան վտակի՝ Չիչխան գետի վրա։ Չիչխան գետը հարուստ է եղել կարմրախայտ ձկնատեսակով: Ձվադրման շրջանում ձկները գետի հոսանքին հակառակ են լողում: Ու մի օր էլ գյուղացիներն ականատես են լինում, թե ինչպես են կարմրախայտերը գետի հոսանքին հակառակ լողալով գալիս ու թռչում մոտ 25 մ բարձրություն ունեցող ջրվեժի վրայով, ինչից հետո էլ ջրվեժի անունը մնում է Թռչկան: Թռչկանը Ժայռից բխող ջրվեժ է։ Ջրվեժը 2008թ.-ից մտել է բնական հուշարձանների ցանկ, իսկ 2011թ.-ից տարածքը սահմանվել է հատուկ պահպանվող գոտի։
.jpg)
