Զբոսաշրջային կազմակերպությունները իրենց գործունեության ընթացքում որոշակի նպատակներ և խնդիրներ են իրագործում: Դրանցից են՝ սպառման, սպառողական բավարարվածության հնարավոր առավելագույն մակարդակի ձեռքբերումը, առավելագույն ընդարձակ ընտրության հնարավորության ստեղծումը, կյանքի որակի առավելագույն բարձրացումը և այլն:

Պետք է նշել, որ այս ոլորտի նկատմամբ հետաքրքրությունը մեծացել է՝ կապված այն հանգամանքի հետ, որ ոչ առևտրային ոլորտներում գործող շատ կազմակերպություններ գիտակցում են, որ հենց մարքեթինգն է շուկայում իրենց հաջողության գրավականը: Կազմակերպություններն իրենց առջև դրված նպատակներին հասնում են մարքեթինգային գործառույթների միջոցով: ԶՀԿ-ն առանձնացնում է հետևյալ երեք գործառույթները.

1. Սպառողների հետ կապերի հաստատում

Սրա նպատակն է հիմնավորել և սպառողներին համոզել, ներշնչել այն գաղափարը, որ առաջարկվող ծառայությունները ամբողջությամբ համընկնում են նրանց սպասումներին: Իսկ այդ բոլորը հնարավոր կլինի իրականացնել ճիշտ և նպատակային մարքեթինգի միջոցով (օրինակ՝ գովազդային ծրագրերի մշակում, նպատակային շուկայի ընտրություն, մարքեթինգային հետազոտությունների իրականացում և այլն:)

2. Զարգացում

Սա ենթադրում է նորամուծությունների մշակում, որոնք կարող են նոր հնարավորություններ ապահովել վաճառքի համար: Այդպիսի նորամուծություններն իրենց հերթին պետք է համապատասխանեն հնարավոր սպառողների պահանջարկին և նախընտրություններին:

3. Հսկողություն

վերանայվում է գործունեության արդյունքների վերլուծությունը շուկայում ծառայությունների առաջմղման տեսանկյունից և ստուգվում, թե որքանով են այդ արդյունքներն արտահայտում իրականում զբոսաշրջության ոլորտում առկա հնարավորությունների լրիվ և արդյունավետ օգտագործումը:

Զբոսաշրջության մարքեթինգին առավել բնութագրական են հետևյալ հիմնական սկզբունքները.

1. Կոնկրետ սպառողների խնդիրների արդյունավետ լուծումը

Պետք է հիշել, որ շուկան ձևավորում են սպառողները՝ իրենց որոշակի պահանջմունքներով, որոնց բավարարման համար նրանք ցանկանում են և պատրաստ են ձեռք բերել զբոսաշրջային ապրանք: Շուկայում առաջարկվող ապրանքները կազմակերպության կողմից պետք է ուսումնասիրվեն, որպեսզի բացահայտվի, թե որքանով դրանք կարող են օգնել նրանց իրենց խնդիրները լուծելու առումով:

2. Առևտրային արդյունքի կոնկրետ ուղղվածություն

Կազմակերպությանը հետաքրքրում է շուկայի բաժնեմասը, որը համապատասխանում է նրա երկարաժամկետ նպատակներին: Այդ նպատակները ձևակերպելով՝ որոշում են մարքեթինգի երեք գլխավոր կետերը՝ ժամկետները, ռեսուրսներն ու պատասխանատվությունը: Այստեղից էլ բխում է բոլոր մարքեթինգային իրադրությունների երկարաժամկետ կողմնորոշումը՝ սկսած սպառողների պահանջարկից, վերջացրած սեփական հնարավորություններով:

3. Առաջադրված նպատակների իրականացման համալիր մոտեցում

Շուկայում կազմակերպության հաջողությունն ապահովվում է միայն մարքեթինգի բոլոր միջոցների համախմբով, դրանց փոխադարձ պայմանավորվածությամբ և փոխկապակցությամբ: Համալիրությունը նշանակում է, որ որոշակի մարքեթինգային գործունեության արդյունքում հնարավոր չէ հասնել այն արդյունավետությանը, որը կարող է ապահովել մարքեթինգի օգտագործումը որպես համակարգ:

4. Ակտիվություն, նախաձեռնողականություն, հարձակողականություն

Սրանք պահանջում են արագ և արդյունավետ կողմնորոշում՝ արտաքին մարքեթինգային միջավայրի փոփոխության դեպքում: Առանց դրանց անհնար է հասնել առևտրային հաջողության և ձեռք բերել մրցակցային առավելություններ:

Աշխարհում առաջին իտալացիները եղել են հին պալեոլիթի ժողովուրդը, ովքեր բնակություն են հաստատել Ապենինյան թերակղզում ավելի քան 100.000 տարի առաջ: 2-րդ հազարամյակում այստեղ են ներթափանցել արիական ցեղերը, որոնցից մեկը լատինների ցեղն էր, որը կառուցեց Հռոմը մ.թ.ա 8-րդ դարում։

Italia բառի ծագումն անհայտ է։ Ամենատարածված տեսակետի համաձայն՝ տերմինը եկել է Հունաստանից և նշանակում է «հորթերի երկիր», քանի որ հին ժամանակներում Իտալիայի խորհրդանիշը եղել է ցուլը:

Նորաձևության ծնունդ

Զբոսաշրջությունը

Իտալիան հայտնի է իր թանկարժեք մեքենաներով, նորաձևության արդյունաբերությամբ, ճաշատեսակների յուրահատուկ բազմազանությամբ, ինչպես նաև գեղեցիկ լեռնային լճերով, ավազոտ լողափերով և բարձր լեռնաշղթաներով: Իտալիայի քաղաքներն ու հանգստավայրերը տարեկան այցելում է ավելի քան 50 միլիոն մարդ:

Իտալիայում զարգացած են մշակութային, լեռնային, լճային զբոսաշրջությունը և ագրոտուրիզմը: Իտալիայում հանգստանալու լավագույն ժամանակը գարնանային սեզոնն է ՝ ապրիլից հունիս կամ աշունը ՝ սեպտեմբերից հոկտեմբեր, երբ ջերմաստիճանը չափավոր է, և ավելի քիչ զբոսաշրջիկներ են լինում, քան ամառային սեզոնին:

Տեսարժան վայրերը

Կոլիզեյ

Պանթեոն (Հռոմ)

Սուրբ Պետրոս եկեղեցի

Միլանի տաճար

Ուֆիցի պատկերասրահ (Ֆլորենսիա)

Մեծ Ջրանց (Վենետիկ)

Մեծ ջրանցքը մարդու ձեռքով ստեղծված արհեստական ​​կառույց չէ։ Հին ժամանակներում Մեծ ջրանցքը փոքրիկ ալիք էր, որը ոլորվում էր կղզիների կողքով, որոնց վրա հետագայում կառուցվեց Վենետիկը: Մեծ ջրանցքը սկսվում է քաղաքային կայարանից և ձգվում է գրեթե 4 կիլոմետր երկարությամբ։ Միջնադարում, երբ Վենետիկը Միջերկրական ծովի խոշոր առևտրային կենտրոնն էր, Մեծ ջրանցքի ափին տեղի էր ունենում սննդամթերքի, կենցաղային իրերի և ձեռագործ իրերի բուռն առևտուր։ Ցերեկը նավով զբոսանքի արժեքը 80 եվրո է (33.600դրամ), երեկոյան՝ մոտ 100 եվրո (42.000դրամ)։